Sumqayıtda itkin düşmüş 81 yaşlı kişinin meyiti tapıldı — Təfərrüat

KRİMİNAL 04 okt 2022, 11:18
Sumqayıtda itkin düşmüş şəxsin qətlə yetirildiyi məlum olub.

Bu barədə Demokrat.az-a Sumqayıt şəhər prokurorluğundan məlumat verilib.

Sentyabrın 14-ü Sumqayıt Şəhər Polis İdarəsinə 1941-ci il təvəllüdlü Nadir Rzayevin itkin düşməsi ilə bağlı daxil olmuş müraciət əsasında aparılmış istintaq-əməliyyat tədbirləri ilə sonuncunun qəsdən öldürülməsi müəyyən olunub.

Faktla bağlı Sumqayıt şəhər prokurorluğunda Cinayət Məcəlləsinin 120.1-ci maddəsi ilə cinayət işi başlanıb.

İstintaqla zərərçəkmişin tanışı 1977-ci il təvəllüdlü Samir Abbasovun şəxsi münasibətlər zəminində aralarında yaranmış mübahisə zamanı Nadir Rzayevi boğaraq öldürməsinə əsaslı şübhələr müəyyən edilib.

Samir Abbasov şübhəli şəxs qismində tutularaq istintaqa cəlb edilib.

İş üzrə istintaq davam edir.

DİGƏR XƏBƏRLƏR

XƏBƏR LENTİ
Top