Tanınmış həkim deputata cavab verdi: “Azərbaycanda dərmanların qiyməti Türkiyədən ucuz deyil, bahadır”

SOSİAL 30 mar 2023, 12:12
Tanınmış həkim-infeksionist Mərdan Əliyev deputat Kəmaləddin Qafarovun ötən gün parlamentin iclasında çıxışı zamanı Azərbaycanda bəzi dərmanların qiymətlərinin Türkiyədən ucuz olması barədə fikirlərinə cavab verib. 

Mərdan Əliyev Demokrat.az-a açıqlamasında deputatın fikirlərinin səhv olduğunu bildirib:

"Hazırda ölkəmizdə dərmanların qiymətində artım müşahidə olunur. Düzdür, Azərbaycanda bəzi dərmanların qiymətləri Türkiyədən ucuzdur. Lakin bunlar eyni tərkiblidir, amma müxtəlif brend adında olan dərmanlardır. Yəni, eyni molekuldur, amma Türkiyədə bu başqa, bizdə başqa brend adıyla satılır. Bu formada qiymət ucuz ola bilər. Amma eyni brend adında olan dərmanlar, eyni ölkə istehsalı olan dərmanlar Türkiyədə daha ucuzdur. Dərmanların baha olmasının açığı səbəblərinin nə olduğunu bilmirəm. Obyektivdirmi, subyektivdirmi? Bunu dəqiq bilmirəm, amma eyni brend adında olan dərmanlar Türkiyədə bizdən daha ucuzdur".


Nəzrin
Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top