Bir vaxtlar "Kurtlar Vadisi" serialında Esther Hirch obrazını canlandıran aktrisa Sinem Yıldırım uzun fasilədən sonra yenidən ictimaiyyət qarşısına çıxıb. Onun illər sonrakı görünüşü serialın izləyicilərinin marağına səbəb olub.
Demokrat.az xəbər verir ki, aktrisa "Aşk Tesadüfleri Sever" filminin yeni ekran işinin təqdimat mərasimində iştirak edib.
Sinem Yıldırım 2003-cü ildə yayımlanmağa başlayan "Kurtlar Vadisi" serialında Tombalacı Mehmetin həyat yoldaşı Esther Hirch obrazını canlandırıb. Aktrisa bu rolla tamaşaçıların yaddaşında qalıb.
O, daha sonra "Dönme Dolap", "Tatil Aşkları" və "Acı Hayat" kimi televiziya layihələrində də rol alıb.
Uzun müddət aktyorluq fəaliyyətindən uzaq qalan Yıldırım 2022-ci ildə "Dedemin Gözyaşları" filmi ilə yenidən çəkiliş meydançasına qayıdıb. Filmdə Doktor Gözde Yıldırım obrazını canlandırıb.
Aktrisanın son görüntüləri "Kurtlar Vadisi" serialının izləyicilərinə illər əvvəl sevilən obrazları yenidən xatırladıb.



