Bakıda Moldovanın "Milli Şərabçılıq Günü" qeyd edildi — FOTOLAR


SOSİAL 09 okt 2021, 13:55
Bakıda Moldovanın "Milli Şərabçılıq Günü" qeyd edilib.

Demokrat.az xəbər verir ki, tədbir Moldova Respublikasının Azərbaycandakı səfirliyinin, Moldovanın "Cricova" şirkətinin Azərbaycandakı rəsmi nümayəndəliyinin təşkilatçılığı, "The Cheese restaurant"ən və "Qusardan" brendinin dəstəyi ilə həyata keçirilib.

Mərasimdə Moldovanin Azərbaycandakı səfirinin vəzifəsini müvəqqəti icra edən, eyni zamanda bu ölkənin Azərbaycandakı konsulu Nikolai Kojuxari, "Cricova" şərab kombinatının direktoru Denis Şova, satış və marketinq departamentinin rəhbəri Sergiu Teodorescu, həmçinin Avropanın Azərbaycanda akkreditasiya olunmuş səfirlər və səfirliklərinin əməkdaşları, media nümayəndələri iştirak edib.



Qonaqlara Moldovanın şərabçılıq ənənələri və "Milli Şərabçılıq Günü" ilə bağlı məlumat verən "Cricova" şirkətinin Azərbaycan üzrə icraçı direktoru Niyaməddin Mustafayev qeyd edib ki, bu bayram Azərbaycanda ilk dəfədir qeyd edilir. O, həmçinin ölkəmizdə Moldova şərablarına böyük marağın olduğunu qeyd edib.



Qeyd edək ki, 2001-ci ildən etibarən hər il oktyabrın 2-i Moldovada rəsmən "Milli Şərabçılıq Günü" bayramı kimi qeyd edilir. 3 000 ildən çox şərabçılıq ənənəsi olan rəsmi Kişinyov 2013-cü ildən Avropa İttifaqında tanınan şərabçılıq klassifikasiyasına layiq görülüb. Bu gün Avropanın 11 ən yaxşı şərab istehsalçısı arasında yer alan bu kiçik ölkənin 126 min hektardan çox ərazisi şərabçılıq üçün əkilən üzüm sahələridir.



Demokrat.az


 


DİGƏR XƏBƏRLƏR

XƏBƏR LENTİ
Top