Gənclər və idman nazirinin müavini Mariana Vasileva vəzifəsindən azad edilib. Səbəbi məlum deyil, onun idmançılara qarşı kobud rəftar etdiyinə dair müəyyən iddialar da var. Hərçənd ki, məsələnin nə bu, nə də iddialardan ibarət olmadığı aydındır.
Cənab Prezident İlham Əliyevin 2018-ci ildən başlayan nəhəng islahatlar kursuna kadr islahatları da daxildir və zaman-zaman həm görülən işlərin effektivliyinin artırılması, həm müxtəlif sahələrin inkişafı üçün bu islahatlar davam edir. İstənilən kadrın vəzifəsindən azad edilməsi, yeni kadrların təyin edilməsi də məhz dövlət idarəçiliyinin səmərəliliyinin artırılması məqsədi daşıyır.
Mariana Vasilevanın da vəzifəsindən azad edilməsi bu kontekstdə nə təccüblü, nə də qeyri-adi hadisə deyil. Lakin burada təəcüblü olan gənclər və idman naziri Fərid Qayıbovun müavinin vəzifəsindən azad edilməsinə verdiyi reaksiyadır.
Nazir reaksiyasını sözlə yox, foto ilə verib. Belə ki, o, vəzifəsindən azad edilən müavini Mariana Vasileva ilə çəkdirdiyi selfisini sosial şəbəkə hesabının “hekayə” bölməsində paylaşıb.
Niyə belə edib, niyə paylaşıb, məlum deyil, çünki paylaşıma şərh yazmayıb. Lakin bu paylaşım müəyyən suallar yaradır.
Fərid Qayıbov bununla nə demək istəyir, nəyin mesajını verir?
Yaxud bu paylaşımla müavininin vəzifəsindən azad edilməsinə etirazını bildirir?
Bu sualların cavabı maraqlıdır və yəqin ki, cavabları da nazirin özü verə bilər. Lakin Fərid Qayıbovun bu paylaşımla vəzifəsindən azad edilən müavini Mariana Vasilevaya dəstək verdiyi dəqiqdir!
Vaqif Hüseynli
Demokrat.az
Cənab Prezident İlham Əliyevin 2018-ci ildən başlayan nəhəng islahatlar kursuna kadr islahatları da daxildir və zaman-zaman həm görülən işlərin effektivliyinin artırılması, həm müxtəlif sahələrin inkişafı üçün bu islahatlar davam edir. İstənilən kadrın vəzifəsindən azad edilməsi, yeni kadrların təyin edilməsi də məhz dövlət idarəçiliyinin səmərəliliyinin artırılması məqsədi daşıyır.
Mariana Vasilevanın da vəzifəsindən azad edilməsi bu kontekstdə nə təccüblü, nə də qeyri-adi hadisə deyil. Lakin burada təəcüblü olan gənclər və idman naziri Fərid Qayıbovun müavinin vəzifəsindən azad edilməsinə verdiyi reaksiyadır.
Nazir reaksiyasını sözlə yox, foto ilə verib. Belə ki, o, vəzifəsindən azad edilən müavini Mariana Vasileva ilə çəkdirdiyi selfisini sosial şəbəkə hesabının “hekayə” bölməsində paylaşıb.
Niyə belə edib, niyə paylaşıb, məlum deyil, çünki paylaşıma şərh yazmayıb. Lakin bu paylaşım müəyyən suallar yaradır.
Fərid Qayıbov bununla nə demək istəyir, nəyin mesajını verir?
Yaxud bu paylaşımla müavininin vəzifəsindən azad edilməsinə etirazını bildirir?
Bu sualların cavabı maraqlıdır və yəqin ki, cavabları da nazirin özü verə bilər. Lakin Fərid Qayıbovun bu paylaşımla vəzifəsindən azad edilən müavini Mariana Vasilevaya dəstək verdiyi dəqiqdir!
Vaqif Hüseynli
Demokrat.az
