Ceyhun Bayramov konfrans iştirakçılarını COP29-a hazırlıq barədə məlumatlandırdı

COP29 15 apr 2024, 12:36
Azərbaycan xarici işlər naziri Ceyhun Bayramov Mərkəzi Asiya-Körfəz Əməkdaşlıq Şurasını Bakıda keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) hazırlıq barədə məlumatlandırıb.

Demokrat.az xəbər verir ki, bunu Azərbaycan XİN başçısı "X" hesabında yazıb.

"Mərkəzi Asiya-Körfəz Əməkdaşlıq Şurasının strateji dialoq toplantısında iştirak və çıxış etməkdən məmnunam. Qlobal transformasiya problemlərinin həlli üçün regionumuzda əməkdaşlığın vacibliyini vurğuladım. COP29 və regionda münaqişədən sonrakı vəziyyət haqqında da məlumat verdim",- o bildirib.

C.Bayramov Azərbaycanın Qoşulmama Hərəkatına sədrliyi dövründə olduğu kimi "Qlobal Şimal" və "Qlobal Cənub" arasında əməkdaşlığın genişləndirilməsinin rəsmi Bakının əsas prioritetlərindən biri olduğunu bildirib. COP29-un öz növbəsində bərpa olunan enerji potensialı yüksək olan Mərkəzi Asiya ilə texnoloji imkanları geniş KƏŞ ölkələrinin əməkdaşlığının inkişafı üçün fürsət ola biləcəyi diqqətə çatdırıb.

 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top