Polşanın Krakov şəhərində Azərbaycan Evinin açılış mərasimi keçirilib.
Demokrat.az xəbər verir ki, mərasimdə Diasporla İş üzrə Dövlət Komitəsinin sədri Fuad Muradov, Azərbaycanın Polşadakı səfiri Nərgiz Qurbanova, eləcə də diplomatik korpusun, Azərbaycan diasporunun, yerli ictimaiyyətin və müxtəlif icmaların nümayəndələri iştirak ediblər.
Azərbaycanın Polşadakı səfiri Nərgiz Qurbanova çıxışında Azərbaycan Evinin Krakov və ətraf şəhərlərdə yaşayan həmvətənlərimizin bir araya gəlməsi, milli maraqlar uğrunda birgə fəaliyyət göstərməsi və ölkəmizin mədəniyyətinin təbliği baxımından uğurlu məkan olacağına, Polşa azərbaycanlılarının vahid platforma ətrafında birləşməsində böyük rol oynayacağına inamını ifadə edib.
Diasporla İş üzrə Dövlət Komitəsinin sədri Fuad Muradov Polşanın paytaxtı Varşavada 2019-cu ildən fəaliyyət göstərən Azərbaycan Evinin soydaşlarımızın təşkilatlanmasında, Vətəndən uzaqda böyüyən azərbaycanlı uşaqlara ana dilinin, Azərbaycan tarixinin aşılanmasında mühum rol oynadığını diqqətə çatdırıb. Komitə sədri Polşada sayca ikinci Azərbaycan Evinin açılması münasibətilə soydaşlarımızı təbrik edib və bunun dövlətimizin soydaşlarımıza qayğısının təzahürü olduğunu bildirib.
“Xarı Bülbül” Dünya Azərbaycanlılarının Mədəniyyət Assosiasiyasının sədri, Polşa Azərbaycanlıları Koordinasiya Şurasının Krakov üzrə əlaqələndiricisi Sedat Şamilli çıxışında Azərbaycan Evinin açılması xəbərinin Krakov və ətraf şəhərlərdə yaşayan soydaşlarımız tərəfindən sevinclə qarşılandığını qeyd edib, xaricdə yaşayan azərbaycanlılar adından göstərilən diqqət və qayğıya görə dövlətimizə təşəkkürünü bildirib, Krakov Azərbaycan Evinin çoxsaylı tədbirlərə ev sahibliyi etməyə hazır olduğunu vurğulayıb.
Tədbirdə Polşa Azərbaycanlıları Assosiasiyasının rəhbəri Xəlil Həsənova “Diaspor fəaliyyətində xidmətə görə” Azərbaycan Respublikasının medalı təqdim edilib.
Qeyd edək ki, hazırda dünyanın 16 ölkəsində 28 Azərbaycan Evi fəaliyyət göstərir və bu evlər Azərbaycan mədəniyyətinin təbliği, Azərbaycan həqiqətlərinin dünyaya çatdırıması məqsədilə keçirilən çoxsaylı tədbirlərə ev sahibliyi edir.
Demokrat.az xəbər verir ki, mərasimdə Diasporla İş üzrə Dövlət Komitəsinin sədri Fuad Muradov, Azərbaycanın Polşadakı səfiri Nərgiz Qurbanova, eləcə də diplomatik korpusun, Azərbaycan diasporunun, yerli ictimaiyyətin və müxtəlif icmaların nümayəndələri iştirak ediblər.
Azərbaycanın Polşadakı səfiri Nərgiz Qurbanova çıxışında Azərbaycan Evinin Krakov və ətraf şəhərlərdə yaşayan həmvətənlərimizin bir araya gəlməsi, milli maraqlar uğrunda birgə fəaliyyət göstərməsi və ölkəmizin mədəniyyətinin təbliği baxımından uğurlu məkan olacağına, Polşa azərbaycanlılarının vahid platforma ətrafında birləşməsində böyük rol oynayacağına inamını ifadə edib.
Diasporla İş üzrə Dövlət Komitəsinin sədri Fuad Muradov Polşanın paytaxtı Varşavada 2019-cu ildən fəaliyyət göstərən Azərbaycan Evinin soydaşlarımızın təşkilatlanmasında, Vətəndən uzaqda böyüyən azərbaycanlı uşaqlara ana dilinin, Azərbaycan tarixinin aşılanmasında mühum rol oynadığını diqqətə çatdırıb. Komitə sədri Polşada sayca ikinci Azərbaycan Evinin açılması münasibətilə soydaşlarımızı təbrik edib və bunun dövlətimizin soydaşlarımıza qayğısının təzahürü olduğunu bildirib.
“Xarı Bülbül” Dünya Azərbaycanlılarının Mədəniyyət Assosiasiyasının sədri, Polşa Azərbaycanlıları Koordinasiya Şurasının Krakov üzrə əlaqələndiricisi Sedat Şamilli çıxışında Azərbaycan Evinin açılması xəbərinin Krakov və ətraf şəhərlərdə yaşayan soydaşlarımız tərəfindən sevinclə qarşılandığını qeyd edib, xaricdə yaşayan azərbaycanlılar adından göstərilən diqqət və qayğıya görə dövlətimizə təşəkkürünü bildirib, Krakov Azərbaycan Evinin çoxsaylı tədbirlərə ev sahibliyi etməyə hazır olduğunu vurğulayıb.
Tədbirdə Polşa Azərbaycanlıları Assosiasiyasının rəhbəri Xəlil Həsənova “Diaspor fəaliyyətində xidmətə görə” Azərbaycan Respublikasının medalı təqdim edilib.
Qeyd edək ki, hazırda dünyanın 16 ölkəsində 28 Azərbaycan Evi fəaliyyət göstərir və bu evlər Azərbaycan mədəniyyətinin təbliği, Azərbaycan həqiqətlərinin dünyaya çatdırıması məqsədilə keçirilən çoxsaylı tədbirlərə ev sahibliyi edir.
