ABŞ və NATO qoşunların Əfqanıstandakı bir sıra bazalardan çıxarılmasına başlayıb.
Demokrat.az xəbər verir ki, bu barədə Əfqanıstanın paytaxtı Kabildə keçirilən konfransın gedişatında ABŞ və NATO-nun Əfqanıstandakı qoşunlarının komandanı general Skott Miller bildirib.
"Biz hərbçilərin bir sıra bazalardan çıxarılmasını həyata keçirməyə başladıq. Hərbçilər bütün bazalarını Əfqanıstanın hərbi qüvvələrinə verəcək" - deyə genaral qeyd edib.
ABŞ administrasiyası daha əvvəl elan edib ki, Əfqanıstandan qoşunların çıxarılması mayın 1-də başlayacaq və 11 sentyabra qədər yekunlaşacaq. Bildirilib ki, qoşunların çıxarılması prosesi müttəfiqlərlə tam koordinasiyalı formada gedəcək.
