Vətəndaş pensiya yaşına çatmayıbsa və əlillik statusu olmayıbsa fərdi hesabındakı pensiya kapitalından istifadə hüququna malik deyil.
Demokrat.az xəbər verir ki, şəxs vəfat etdikdə və ya məhkəmə qaydasında itkin düşmüş elan edildikdə yığılan vəsait ailə üzvlərinə ailə başçısını itirməyə görə əmək pensiyası şəklində ödənilir. Bu hüquqdan on səkkiz yaşınadək olan uşaqlar, həmçinin iyirmi yaşınadək əyani təhsil alanlar bəhrələnə bilərlər. Həmçinin yetkinlik yaşına çatana qədər və ya sonradan əlilliyi müəyyən edilən övladlar da bu təminatdan yararlanmaq imkanına sahibdir.
Pensiya yaşına çatan, orqanizm funksiyalarının pozulması dərəcəsinə görə əlilliyi olan valideynlər, həyat yoldaşı da bu pensiyanı almaq hüququna malikdir. Səkkiz yaşınadək azyaşlılara, bacı, qardaş və nəvələrə qulluq edən və əmək fəaliyyəti ilə məşğul olmayan ailə üzvlərinə də ailə başçısını itirməyə görə əmək pensiyası təyin olunur.
Beləliklə pensiya kapitalının xərclənməsi üçün yaş həddi və ya əlillik əsas şərt kimi çıxış edir, şəxs vəfat etdikdə isə bu vəsait müəyyən meyarlara cavab verən ailə üzvlərinə pensiya şəklində yönəldilir.
