Ermənistan Silahlı Qüvvələrinin Baş Qərargah rəisinin keçmiş müşaviri, ekspert Vladimir Poqosyan Ukraynanın "Daily Europe Online" YouTube kanalına müsahibə verib.
Demokrat.az xəbər verir ki, aparıcı Mixail Kaçin son seçkilər ərəfəsində Rusiyanın Ermənistana təzyiqləri haqda Poqosyana sual verib.
Erməni ekspert bildirib ki, bu təzyiqlərin heç bir təsiri olmayıb.
"Əslində, Moskva birləşməmizə kömək etdi. Bu, əlamətdar idi. İndi sual olunur: Moskva bunda maraqlı idi, yoxsa axmaqlıqdanmı? Bu, 50/50 ola bilər, yoxsa sadəcə lal zövq ola bilər. Sanksiyalara təzyiqə gəlincə, burada da insanlar birləşdi. Elə ilk gün gül biznesinə hücumlardan sonra mən dərhal hökumətə müraciət etdim... Kompensasiya ilə bağlı qərar verildi və gül biznesinin Hollandiya gül birjasına daxil olmasına köməklik göstərildi. Və bu iş artıq aparılır. Əslində, Ermənistan artıq bütün dünya ilə ticarət aparan ən böyük Hollandiya birjasına qoşulmağa razılaşıb. Erməni gülləri isə ilboyu mövcud olduğundan qəbul edilirdi", - deyə V.Poqosyan bildirib.
Xatırladırıq ki, Paşinyanın yenidən qələbə çalacağı təqdirdə Rusiya erməni mallarının ərazisinə girişinə məhdudiyyətlər qoyacağı ilə hədələmişdi. Bu qərardan sonra Avropa İttifaqı hərəkətə keçərək Ermənistandan rüsumsuz mal idxalına icazə verdi.
Alparslan Demokrat.az
