Ağstafa Rayon İcra Hakimiyyəti rayonun adının əks olunduğu löhvədə “Ağstafa” sözünün “Agtafa” yazılmasına münasibət bildirib.
Demokrat.az xəbər verir ki, İH-dən Oxu.Az-a bildirilib ki, foto təmir zamanı hərflər sökülərkən çəkilib:
“Biz hərflərin hazırlanmasına baxdıq, formata uyğun deyildi və xoşumuza gəlmədi. İcra başçısı Nizaməddin Quliyev qərar verdi ki, həmin hərflər yenidən düzəldilsin. İşləri həyata keçirən təşkilat hərfləri söküb aparıb, həcmində və formasında dəyişiklik edəcəklər. Orada onlarla adam işləyib, biz özümüz nəzarət etmişik. “S” hərfi var idi”.
Xatırladaq ki, sosial şəbəkədə Ağstafa rayonu ilə bağlı “maraqlı” foto paylaşılıb.
Fotoda rayonun adının əks olunduğu löhvədə “Ağstafa” sözünün səhv yazılması diqqət çəkib. Belə ki, “Ağstafa” sözü lövhədə “Ağtafa” kimi yazılıb.
