Azərbaycanda taksi qiymətləri ilə bağlı bir neçə dəfə artım müşahidə edilsə də, taksilərlə bağlı hüquqi bazaya yenidən əl gəzdirilsə də, sosial şəbəkə platformalarında bəzi şəxslər qiymətlərin ucuz olduğunu əsas gətirərək, taksi şirkətlərini boykot etməyə çağırırlar. Etiraz edən şəxslər Azərbaycan Yerüstü Nəqliyyat Agentliyinin (AYNA) taksilərin fəaliyyəti ilə bağlı etdikləri dəyişikliklərin faydasız olduğunu dilə gətirirlər.
Vətəndaşlar qiymətlərin yüksək olduğunu bildirsələr də, bəzi sürücülər hələ də taksi ilə gediş haqlarının qənaətbəxş olmadığını qeyd edirlər. Yayılan məlumatlara görə, artıq fəaliyyətini dayandıran şirkətlər çoxalır.
Bəs bu iddiaların reallıq payı varmı?
Məsələ ilə bağlı Azərbaycan Yerüstü Nəqliyyat Agentliyinin (AYNA) mətbuat katibi Tural Orucov Oxu.Az-a açıqlamasında qeyd edib ki, bu cür iddialar tamamilə əsassızdır və həqiqəti əks etdirmir:
"Taksi sahəsində aparılan islahatlar bazarda rəqabət mühiti yaradıb və keyfiyyət dəyişikliyinə təkan verib. Qanunvericilik bazasının təkmilləşdirilməsi və aparılan islahatlar nəticəsində müsbət dəyişikliklər müşahidə edilir. Taksi xidməti sahəsi tənzimlənir, peşəkar əmək bazarı formalaşır və xidmət keyfiyyəti artır.
Taksi minik avtomobili vasitəsilə sərnişindaşımalarla məşğul olmaq istəyənlər müvafiq icazələr əldə edərək fəaliyyətlərini davam etdirirlər. Bu günədək 23 000-dən çox nəqliyyat vasitəsinə elektron qaydada buraxılış kartı verilib. AYNA-ya hazırda da aktiv şəkildə müraciətlər olunur və buraxılış kartı alanların sayında artım müşahidə edilir".
T.Orucov əlavə edib ki, buraxılış kartı alan taksilərin 40 faizə yaxını 2020-2024-cü illər arasında istehsal olunan nəqliyyat vasitələridir:
"Hazırda taksi sürücülərin təlimləri də intensiv şəkildə davam etdirilir. Bu günə kimi 36 000-dən çox sürücü təlimlərə cəlb olunub.
Qeyd edək ki, taksi minik avtomobilləri ilə daşıma qiyməti tələb və təklif əsasında müəyyən olunur. Hazırda qiymət fəaliyyət göstərən taksi operatorları tərəfindən rəqabət şəraitində formalaşır".
Vətəndaşlar qiymətlərin yüksək olduğunu bildirsələr də, bəzi sürücülər hələ də taksi ilə gediş haqlarının qənaətbəxş olmadığını qeyd edirlər. Yayılan məlumatlara görə, artıq fəaliyyətini dayandıran şirkətlər çoxalır.
Bəs bu iddiaların reallıq payı varmı?
Məsələ ilə bağlı Azərbaycan Yerüstü Nəqliyyat Agentliyinin (AYNA) mətbuat katibi Tural Orucov Oxu.Az-a açıqlamasında qeyd edib ki, bu cür iddialar tamamilə əsassızdır və həqiqəti əks etdirmir:
"Taksi sahəsində aparılan islahatlar bazarda rəqabət mühiti yaradıb və keyfiyyət dəyişikliyinə təkan verib. Qanunvericilik bazasının təkmilləşdirilməsi və aparılan islahatlar nəticəsində müsbət dəyişikliklər müşahidə edilir. Taksi xidməti sahəsi tənzimlənir, peşəkar əmək bazarı formalaşır və xidmət keyfiyyəti artır.
Taksi minik avtomobili vasitəsilə sərnişindaşımalarla məşğul olmaq istəyənlər müvafiq icazələr əldə edərək fəaliyyətlərini davam etdirirlər. Bu günədək 23 000-dən çox nəqliyyat vasitəsinə elektron qaydada buraxılış kartı verilib. AYNA-ya hazırda da aktiv şəkildə müraciətlər olunur və buraxılış kartı alanların sayında artım müşahidə edilir".
T.Orucov əlavə edib ki, buraxılış kartı alan taksilərin 40 faizə yaxını 2020-2024-cü illər arasında istehsal olunan nəqliyyat vasitələridir:
"Hazırda taksi sürücülərin təlimləri də intensiv şəkildə davam etdirilir. Bu günə kimi 36 000-dən çox sürücü təlimlərə cəlb olunub.
Qeyd edək ki, taksi minik avtomobilləri ilə daşıma qiyməti tələb və təklif əsasında müəyyən olunur. Hazırda qiymət fəaliyyət göstərən taksi operatorları tərəfindən rəqabət şəraitində formalaşır".
