Aktrisa Pərvin Abıyeva ilə model Səmra Hüseynova yenə dava edib.
Axşam.az xəbər verir ki, onlar arasındakı qalmaqal TikTok-da canlı yayımda yaşanıb. Səmranın yarışda Pərvini uduzdurması aktrisanın xoşuna gəlməyib. O bildirib ki, Səmranı dostluqdan silib:
"Həmişə xəyanətkar olmusan, hər zaman da elə olacaqsan. Mən ağılsız hər zaman sənə güzəştə getmişəm. Bu qızdan heç nə görməmişəm. Həmişə deyib mənə dəstək ol. İndi mənim üstümə "şir" (TikTok-da ən bahalı hədiyyələrdən biri) atır. Mən buna şir atıram, bu mənim üstümə gəlir. Pərvin bununla da onu sildi. Atdı, canı sağ olsun. Mənə də atardı hədiyyə. Başqa vaxt deyir, hədiyyə atmağı sevmirəm. Səmranı sıralamaya gətirən mən olmuşam, indi üzümə ağ olur".
Səmra isə Pərvinin dediklərinə belə cavab verib:
"Onun, bunun hesabına adam olub. Burada beynimi çöndərməsin. Pulum yoxdur deməmişəm. Bəlkə sənin pulun yoxdur burada oturursan? Lap mənim pulum yoxdur otururam... Sən yoxsa acgözlüyündən burada oturursan? Camaatla zarafat edə bilməyəcəyik. Ona da hədiyyə atmışam. Birlikdə çörək kəsmişik, oyuna görə ağzına gələni deyir. Yaxşı ki, çörəyini yeməmişəm".
