Gürcü həkim, tibbi onkologiya və genetika məsələləri üzrə ekspert Aleksandre Tavartkiladze koronavirusa qarşı dərman icad edib.
“Soulageur” adlı preparat Gürcüstanda COVID-19 xəstələrinin müalicəsində artıq tətbiq olunur.
Bioloji aktiv qida əlavəsi olan dərman ötən ilin noyabrından Gürcüstanda müalicə təlimatına daxil edilsə də, hələ apteklərdə satılmır.
“Soulageur” 90 %-dən aşağı saturasiyası olan 18 yaşdan yuxarı pasiyentlərə yazılır. Preparat koronavirisun ilk simptomlarının aşkarlanmasından 7 gün keçmədiyi halda təyin olunur.
Koronaviruslu pasiyentlərin müalicəsində dərmanın istifadəsinin müsbət nəticələr verdiyi bildirilir.
Preparatın kliniki tədqiqatları davam etdirilir.
