“Ermənistanın verdiyi mina xəritələri emal edilir. Son zamanlar insanların minaya düşməsi hallarının artmasına səbəb insan faktorunun rol oynamasıdır”.
Demokrat.az-ın məlumatına görə, bunu jurnalistlərə açıqlamasında Azərbaycan Respublikasının Minatəmizləmə Agentliyinin (ANAMA) İdarə Heyətinin sədri Vüqar Süleymanov bildirib.
Onun sözlərinə görə, son hadisələr təmizlənməmiş əraziyə girişin nəticəsində baş verib:
“Keçən ilin noyabrından bu günə qədər 20 min hektara yaxın ərazi təmizlənib. Ən çox çirkləndirilən mina sahəli ərazi Füzuli, Ağdam və Tərtərdir”.
