Tokio şəhərinin qubernatoru Yuriko Koike bildirib ki, koronaviruslu xəstələr Tokio-2020 Yay Olimpiya Oyunları üçün tikilən Olimpiya kəndində yerləşdirilə bilər.
Demokrat.az-ın məlumatıana görə, o əlavə edib ki, xəstələrin yerləşdirilməsi üçün Tokioda hotellərin alınması versiyası da nəzərdən keçirilə bilər.
Xatırladaq ki, koronavirus pandemiyasının yaratdığı problemlər səbəbindən Tokio Yay Olimpiya Oyunları 2021-ci ilə qədər təxirə salınıb.
Qeyd edək ki, bir müddət əvvəl Azərbaycan hökuməti koronavirus şübhəsi olan xəstələrin karantində saxlanılması üçün I Avropa Oyunları üçün tikilmiş Olimpiya şəhərciyindən istifadə etməyə başlayıb.(oxu.az)
