Cari ilin 9 ayında pensiya ödənişlərinə 5 milyard 874 milyon manat vəsait xərclənib. Bu da ötən ilin eyni dövrü ilə müqayisədə 10 faiz və ya 548 milyon manat çoxdur.
Əmək və Əhalinin Sosial Müdafiəsi Nazirliyindən verilən məlumata görə, ilin əvvəlindən pensiyalar 9,3 faiz indeksləşdirilərək artırılıb. Oktyabrın 1-nə olan göstəricilərə əsasən, pensiyaların orta aylıq məbləği 10 faiz artaraq 596 manata, yaşa görə orta aylıq pensiya isə 634 manata yüksəlib.
Yanvar-sentyabr aylarında 28 min pensiya e-sistem üzərindən avtomatik təyin olunub. Elektron sistemin tətbiq edildiyi 2019-cu ildən bəri isə proaktiv qaydada rəsmiləşdirilən pensiyaların sayı 206 minə çatıb.
Yəni ölkədə pensiya ödənişlərinin həcmi və orta aylıq məbləği artıb, eyni zamanda elektron təyinatların sayı yüksəlib.
