Rusiya Prezidenti Vladimir Putin Rusiya Silahlı Qüvvələrinin müəyyən edilmiş şəxsi heyət sayını təsdiqləyən fərman imzalayıb.
Demokrat.az-ın məlumatına görə, fərmanın mətni rəsmi hüquqi informasiya portalında dərc edilib.
Fərmanda deyilir: "Rusiya Federasiyası Silahlı Qüvvələrinin şəxsi heyətinin sayı 2 441 630 nəfər, o cümlədən 1 550 500 hərbi qulluqçu səviyyəsində müəyyən edilsin".
Rusiya hökumətinə Silahlı Qüvvələrin müəyyən edilmiş say tərkibinin təmin edilməsi məqsədilə Müdafiə Nazirliyi üçün federal büdcədən vəsait ayırmaq tapşırılıb.
Fərman sentyabrın 28-də imzalanıb və imzalandığı andan qüvvəyə minib.
