Rusiyalı tanınmış aktyor Danila Yakuşev ailə həyatı qurub. 40 yaşlı sənətçi 19 yaşlı model və blogger Kristina Neduruyeva ilə evlənib.
Cütlüyün izdivacı sosial şəbəkədə elan olunub. Onların toy xəbərinə sənət dostları və həmkarları təbriklər yazıblar.
Yeni evlənən cütlüyün arasında 21 yaş fərqi var. Kristina Neduruyeva aktyorla Sankt-Peterburqda tanış olduğunu bildirib. Onlar qonşu binalarda yaşasalar da, uzun müddət qarşılaşmayıblar. Model sonradan sənətçinin direktoru kimi fəaliyyət göstərməyə başlayıb.
Gənc blogger ilk vaxtlar yaş fərqindən narahat olduğunu gizlətməyib. Lakin böyük sevgi bu tərəddüdləri tamamilə aradan qaldırıb. O, birgə həyatlarında bu fərqi heç vaxt hiss etmədiyini vurğulayıb.
Danila Yakuşev geniş tamaşaçı auditoriyasına yaxşı tanışdır. Aktyorun yaradıcılıq bioqrafiyasına 120-dən çox layihə daxildir. O, məşhur "İnternlər" və "Molodyojka" seriallarında yaddaqalan rollar ifa edib.
İsmayıl Demokrat.az
