Rusiyanın Kamçatka bölgəsində - Berinq adası akvatoriyasında 6 maqnitudalı zəlzələ qeydə alınıb.
Demokrat.az xəbər verir ki, bu barədə Rusiya Elmlər Akademiyasının Vahid Geofizika Xidməti məlumat yayıb.
Yeraltı təkanlar Petropavlovsk-Kamçatskdən 483 kilometr aralıda, Nikolskoye yaşayış məntəqəsinin yaxınlığında baş verib. Seysmik hadisənin episentri təxminən 28 kilometr dərinlikdə yerləşib.
Dağıntı və itki qeydə alınmayıb, sunami təhlükəsi elan edilməyib.
Demokrat.az
