Qarşıdakı 5 ildə havanın istiliyi rekord səviyyəyə çatacaq.
Demokrat.azBizim.Media-ya istinadən xəbər verir ki, bu barədə Ümumdünya Meteorologiya Təşkilatı məlumat yayıb. Təşkilatın baş katibinin müavini Ko Barret bildirib ki, qlobal iqlim proqnozlarına əsasən qarşıdakı illərdə heç bir geriləmə əlaməti göstərmir:
“Bu o deməkdir ki, iqtisadiyyatlarımıza, gündəlik həyatımıza, ekosistemimizə və planetimizə getdikcə daha çox mənfi təsirlər olacaq. 2025-ci ildən 2030-cu ilə qədər hər il üçün orta illik qlobal səthə yaxın temperaturun 1850-1900-cü illərin (sənayedən əvvəlki dövr) orta göstəricisindən 1,2-1,9 dərəcə yüksək olacağı proqnozlaşdırılır”.
