Yanvarın 1-də səhər saatlarında Rusiya pilotsuz uçuş aparatları Kiyevə hücum edib.
Demokrat.az xəbər verir ki, bu barədə şəhərin hərbi administrasiyası məlumat yayıb.
Şəhərin Peçerski rayonunda qalıqlar qeyri-yaşayış binasının, eləcə də çoxmərtəbəli yaşayış binasının üzərinə düşüb, bir neçə mərtəbə qismən dağılıb.
Kiyevin Svyatoşinski rayonunda dronun düşməsi qeyri-yaşayış binasında yanğına və tramvay relslərinin zədələnməsinə səbəb olub.
Hücum nəticəsində səlahiyyətlilərin məlumatına görə, iki nəfər həlak olub. Daha 7 nəfər yaralanıb.
Rusiya Müdafiə Nazirliyi hücumla bağlı açıqlama verməyib.
