İsveçin xarici işlər naziri Tobias Billström gələn həftə tutduğu vəzifədən istefa verəcəyini açıqlayıb.
Demokrat.az xəbər verir ki, bu barədə o sosial media hesabından verdiyi açıqlamada deyib.
"Kədər və qürur hissi ilə mən bu gün baş nazirə gələn həftə parlamentin açılışında xarici işlər naziri vəzifəsindən istefa verəcəyimi bildirirəm”, - deyə o qeyd edib.
Billström son 25 ildə 10-u nazir olmaqla, fərqli vəzifələr daşıdığını ifadə edərək:
“Mən çox xoşbəxtəm və bu iki il ərzində əldə etdiklərimizlə fəxr edirəm. İlk növbədə, uzun və bəzən çətin prosesdən sonra İsveç nəhayət NATO-ya daxil oldu”, - deyə o əlavə edib.
Mehriban Mirzəzadə Demokrat.az
