Banqladeş Prezidenti Şahabuddin Çuppu Baş nazir Şeyx Hasinanın istefasından sonra müvəqqəti hökumət qurmaq üçün parlamenti buraxıb.
Demokrat.az xəbər verir ki, bu barədə müvafiq qərar dövlət başçısının administrasiyasının yaydığı press-relizdə yer alıb.
“Prezidentin silahlı qüvvələrin üç qolunun rəhbərləri, müxtəlif siyasi partiyaların rəhbərləri, vətəndaş cəmiyyəti nümayəndələri və tələbələrin görüşündən sonra qəbul edilən qərara əsasən, milli parlament buraxılıb”, - məlumatda qeyd edilib.
Yeni parlament seçkilərinin dəqiq tarixi hələ açıqlanmayıb.
Mehriban Mirzəzadə Demokrat.az
