Türkiyənin xarici işlər naziri Hakan Fidan sabah İsveçrədə başlayacaq Ukrayna Sülh Sammitində iştirak edəcək.
Demokrat.az xəbər verir ki, bu barədə “TRT Haber” məlumat yayıb.
Bildirilib ki, nazir iyunun 15-16-da İsveçrədə keçiriləcək Ukrayna Sülh Sammitində iştirak edəcək.
Sammitin açılış sessiyasında çıxış edəcək Fidan münaqişələrin Ukraynaya dağıdıcı təsirinin artdığını, regional və qlobal səviyyədə mənfi nəticələrinin getdikcə dərinləşdiyini bəyan edəcək.
Həmçinin, Rusiya-Ukrayna müharibəsinin genişlənməsi və kütləvi qırğın silahlarından istifadə riskinin artdığını və Türkiyənin Ukraynanın ərazi bütövlüyü, suverenliyi və müstəqilliyini dəstəklədiyini izah edəcək.
Aysu Demokrat.az
