Birinci Qarabağ müharibəsində itkin düşmüş hesab olunan şəhid Habil Oruc oğlu İsmayılovla Lənkəran rayonunun Kərgəlan kəndində keçirilən vida mərasimi başa çatıb.
Demokrat.az Report-a istinadən xəbər verir ki, şəhidin nəşi Kərgəlan kənd qəbiristanlığında dəfn olunub.
Dəfn mərasimində şəhidin doğmaları, Lənkəran Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.
