Cənubi Afrikada həftənin əvvəlindən yağan leysan yağışların səbəb olduğu daşqınlarda həyatını itirənlərin sayı 21-ə yüksəlib.
Demokrat.az xəbər verir ki, bu barədə məlumatlar beynəlxalq mətbuatda yer alıb.
Məlumata görə, KvaZulu-Natal əyalətinin Ladysmith şəhərində baş verən daşqın nəticəsində indiyədək 21 nəfər ölüb.
Yağış dayandıqdan sonra selin yaratdığı dağıntılarda itmiş insanların axtarışı üçün 60 nəfərlik qrup və 12 axtarış-xilasetmə iti ayrılıb.
Sel nəticəsində Bellspruit çayında baş verən daşqın yaşayış məntəqələrində böyük dağıntılara səbəb olub.
Humanitar yardım təşkilatları ehtiyacı olan ailələrə çatmaq üçün öz qruplarını bölgəyə göndərib.
Aysu Demokrat.az
