Nigeriyanın Rivers əyalətində neft boru kəmərində baş verən partlayışda 20 nəfər həyatını itirib.
Demokrat.az xəbər verir ki, bu barədə məlumatlar beynəlxalq mətbuatda yer alıb.
Məlumatda, Rivers əyalətinin Omoku bölgəsində neft şirkətinin borusunu neft oğurlamaq istəyən gənclərin deşdiyi bildirilib.
Bu vaxt baş verən partlayışda 20 nəfərin həyatını itirdiyi, çoxlu sayda insanın yaralandığı bildirilib.
Səlahiyyətlilər hadisə yerinə axtarış-xilasetmə qruplarının göndərildiyini və partlayışla bağlı araşdırmalara başlanıldığını açıqlayıb.
Aysu Demokrat.az
