“Müğənni Elza Seyidcahan maraqlı bir xanımdır. O, şeirlərini sarkazmla, ironiyayla yazır. İndi hamı düşüb Elzanın üstünə”.
Bu fikirləri Demokrat.az-a açıqlamasında Milli Məclisin deputatı Aqil Abbas Əməkdar artist Elza Seyidcahanın Azərbaycan Yazıçılar Birliyinə üzv qəbul olunmasına münasibət bildirərkən deyib.
Aqil Abbas cəmiyyətin məsələyə tənqidi münasibətinin yanlış olduğunu bildirib:
“Dünya dağılıb?! Guya bu dəqiqə şeir oxuyan var, kitab oxuyan var?! Məşhurlardan başqa, Yazıçılar Birliyinin hansı üzvlərinin adlarını çəkə bilərlər?! Elza xanım da sənədlərlə müraciət edib, qəbul olub. Burada qeyri-adi nəsə yoxdur. Yəni bu müzakirə mövzusu deyil. Müzakirə etməyə o qədər mövzu var ki...
Çingiz Abdullayevi tənqid edirlər, yaxşı deyil. O, Azərbaycanı dünyada tanıdan bir yazıçıdır. Nə isə... ”.
Törə Zeynallı Demokrat.az
