Goranboy rayonunda arvadını qətlə yetirməkdə ittiham olunan Atəş Ələkbərovun cinayət işi üzrə ibtidai istintaq başa çatıb.
Demokrat.az-ın əldə etdiyi məlumata görə, cinayət işi baxılması üçün Gəncə Ağır Cinayətlər Məhkəməsinə göndərilib.
İş araşdırılması üçün Faiq Mahmudovun icraatına verilib.
Məhkəmənin hazırlıq iclası mayın 25-nə təyin edilib.
İttihama görə, bu ilin yanvarın 26-da, saat 14 radələrində Goranboy rayonunun Baxçakürd kəndi ərazisində 1976-cı il təvəllüdlü Sevinc Məmmədovanın bıçaqla qətlə yetirilməsi barədə polisə məlumat daxil olub.
Cinayət əməlini törətməkdə şübhəli bilinən əri, 1974-cü il təvəllüdlü Atəş Ələkbərov saxlanılıb.
Atəş Ələkbərov Sevinc Məmmədovanı Niva markalı avtomobilində bıçaqlayıb.
Qətlə yetirilən qadın uzun illərdir ki, Atəş Ələkbərovla qeyri-rəsmi nikahda olub. Onların bir övladı da var.
İstintaq orqanı tərəfindən Atəş Ələkbərovun barəsində Cinayət Məcəlləsinin 126.3-cü (qəsdən zərərçəkmiş şəxsin ölümünə səbəb olma) maddəsi ilə ittiham elan edilib.
Fariz Məlikli Demokrat.az
