Paytaxın Yasamal rayonundakı yaşayış binasında baş verən yanğın söndürülüb.
Demokrat.az xəbər verir ki, bu barədə Fövqəladə Hallar Nazirliyi məlumat yayıb.
Qeyd olunub ki, Bakı şəhərinin Yasamal rayonunda beşmərtəbəli yaşayış binasının 2-ci mərtəbəsində ümumi sahəsi 44 m² olan 2 otaqlı mənzilin mətbəxində 1 ədəd soyuducu və 1 ədəd paltaryuyan maşın yanıb, yüksək temperaturdan mebel qarsalanıb.
"Mənzilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb", - deyə qeyd olunub.//APA
