Aslan İsmayılov: 'Məhz bu cür addımlar iqtidar-müxalifət münasibətini düşmənçilik münasibətinə çevirib'

Vətən Müharibəsi dövrü kimlərin dövlətçilik, haqq-ədalət davası, kimlərin isə hakimiyyət, şəxsi maraqlar davası apardığını yəqin ki, məni kimi çoxları da gördü. Müharibə başlayandan sonuna kimi hakimiyyətə qarşı radikal mövqedə olanları diqqətlə izlədim. Əksəriyyəti həmin dövr özlərini görməməzliyə qoyub bir müddət susdular, müharibənin gedişində çətinliklər yaranan kimi problemin məğzinə varmadan var gücləri ilə hakimiyyətin üstünə getdilər. 44 günlük müharibə dövrü onların Hakimiyyətə qarşı apardıqları mübarizə bir çox hallarda Dövlətə qarşı mübarizəyə çevrildi. Az bir qisim isə bu məqamı daim nəzərə aldı və var gücü ilə dövlətçilik maraqlarını qorudu.

Demokrat.az xəbər verir ki, bunu tanınmış vəkil Aslan İsmayılov sosial şəbəkədə yazıb.

Aslan İsmayılov bildirib ki, son illər hakimiyyətə qarşı kəskin tənqidi mövqeyində olması, ən sərt və arqumentli reportajları Meydan TV-ni hakimiyyəti tənqid edənlərin sırasında lider təbliğat vasitəsi etdi. Bununla belə, 44 günlük Vətən Müharibəsi dövrü bu mətbuat orqanı daim Dövlətinin yanında oldu. Müharibənin gedişində insanların ruh yüksəkliyinə, dövlətçiliyə zərər verəcək bir addım belə atmadı. Bu gün yenə kəskin tənqidi mövqelərini davam etdirirlər. Son günlər yenə hakimiyyət trolları Meydan TV-ni, xüsusilə ona rəhbərlik edənləri cəmiyyətə düşmən kimi təqdim edirlər. Hesab edirəm ki, hakimiyyət yuxarıda göstərdiyim hallara ciddi diqqət yetirməli və ancaq tənqidi mövqeyinə görə ayrı-ayrı mətbuat orqanlarını, jurnalistləri cəmiyyətə düşmən kimi təqdim etməməlidirlər. Hakimiyyət anlamalıdır ki, Azərbaycan adlı Dövlətin mövqeyini dünyaya çatdırmaq üçün Meydan TV kimi mətbuat orqanları onların yüzlərlə trollarından, trol rolu icra edən, dövlətin milyonlarını mənimsəyən "əməkdar jurnalist"lərindən qat-qat faydalı işlər görürlər. Ona görə də xaricdə fəaliyyət göstərən bu tip mətbuat nümayəndələrinə qarşı ancaq tənqidi fikirlərinə görə qaldırılmış saxta cinayət işlərinə xitam verilməli və onların vətənlərinə sərbəst gəlib getmələri, peşəkar fəaliyyətləri üçün şərait yaradılmalıdır. Belələri isə çoxdur.

"Belə halların olmadığını israr edənlərə konkret faktı göstərmək istəyirəm. Bir müddət əvvəl Meydan TV-nin bir çox əməkdaşlarına qarşı qanunsuzluqlar, təqiblər oldu. Bu gün Meydan TV-yə faktiki rəhbərlik edən Həbib Müntəzir məhz fəaliyyətinə görə təqib edildiyindən uzun illərdir ki, Azərbaycana gələ bilmir. Bildiyim qədər anası rəhmətə gedəndən bu günə qədər onun qəbrini də ziyarət edə bilməyib. Belə hallar isə yolverilməzdir. Məhz bu cür addımlar iqtidar-müxalifət münasibətini ölkəmiz üçün çox təhlükəli olan düşmənçilik münasibətinə çevirib. Qarabağ problemində mübarizənin hələ qarşıda olduğunu nəzərə alaraq bu cür hallar tam aradan qaldırılmalı və normal münasibətlər qurulmalıdır", deyə tanınmış vəkil sonda qeyd edib.

Demokrat.az

Aslan İsmayılov: "Məhz bu cür addımlar iqtidar-müxalifət münasibətini düşmənçilik münasibətinə çevirib"

SEÇİLMİŞ XƏBƏRLƏR

Şəmkirdə yerin altından tapılan saraydan GÖRÜNTÜLƏR

Kamran Həsənlidən qalmaqallı açıqlama: “Yaxşı verilişlərin aparıcılarının saxlayanı var”

"Üzümdə əməliyyat etdirməmişəm"

DİGƏR XƏBƏRLƏR

Orta məktəblər üçün olan dərsliklər yenilənir? — VİDEO

Muxtar Babayev Con Kerri ilə COP29-a hazırlığı müzakirə edib

Keçmiş məmur 43 milyon manat dəyərindəki əmlaklarını geri almaq istəyir

Anar Bağırov COP29-un beynəlxalq əhəmiyyətindən danışıb

ABŞ səfiri: Biz Azərbaycanın minalardan təmizlənəcəyi günü səbirsizliklə gözləyirik — FOTOLAR

Nobel İnstitutundan CAVAB: “Vardanyanın mükafata namizəd göstərilməsi fərziyyədir”

Yeni Kaledoniya senatının üzvü: Azərbaycan bizim üçün böyük qardaşdır

Deputat: “Azərbaycan xalqından üzr istəməlidirlər” — Radikalların proqnozu özünü doğrultmadı

Sülhməramlıların çıxarılması Qarabağ məsələsinin birdəfəlik bağlandığı tarixdir

“Ölkəyə palma yağının idxalının qarşısı alınmalıdır” — Qida mütəxəssisi

Ruslar Qarabağdan neçə hərbçi və texnika çıxardı? — SİYAHI

Deputat: "Azərbaycanın İsraildən silah alması İranı niyə narahat edir?!"