“Prezident İlham Əliyev “Əl-Ərəbiyyə” telekanalına müsahibəsində bir daha Azərbaycanın dövlət siyasətinin prioritetlərini dilə gətirib. Cənubi Qafqazda davamlı sülhün bərqərar olunması üçün prinsipial əhəmiyyət kəsb edən məsələlərə aydın vurğu verib. Bu kontekstdə dövlət başçısının İranın Zəngəzur dəhlizi ilə bağlı mövqeyi ilə bağlı açıqlamaları xüsusi diqqətə layiqdir”.
Bunu Demokrat.az-a açıqlamasında Milli Məclisin deputatı Kamran Bayramov bildirib.
Deputat qeyd edib ki, bu nəqliyyat layihəsinin həyata keçirilməsi perspektivi İranın ali lideri Əli Xamneyinin yaxın çevrəsindən olan radikal mühafizəkarların mənfi reaksiyasına səbəb olub:
“Lakin ABŞ prezidenti Donald Trampın iştirakı ilə Azərbaycan və Ermənistan liderlərinin Zəngəzur dəhlizi ilə bağlı kompromis əldə etdikləri Vaşinqton sammitindən sonra bu layihənin İranda həyata keçirilməsinin əleyhdarlarının ritorikası pik nöqtəyə çatıb. Belə ki, İranın ali liderinin beynəlxalq məsələlər üzrə müşaviri Vilayətinin bəyanatı nəinki sərt idi, hətta açıq təhdidlər də ehtiva edirdi. O, xüsusilə, Zəngəzurdan keçən ABŞ-ın dəstəklədiyi nəqliyyat marşrutunu “bağlamaqla” hədələyib. Layihəni Ermənistanın ərazi bütövlüyünə və regionun təhlükəsizliyinə “təhdid” adlandırıb. Ağ Ev rəhbərinin “icarə” ideyasını Panama kanalı ilə müqayisə edərək, dəhlizin “Tramplar” üçün qəbiristanlığa çevriləcəyini vəd edib. Vilayətinin bu açıqlamaları, təbii ki, rəsmi Bakıdan da yan keçməyib ki, bunu Azərbaycan dövlət başçısının “Əl-Ərəbiyyə” telekanalına müsahibəsində İranın radikal mühafizəkarlarına ünvanladığı mesajlar da təsdiqləyir: “Biz siyasətimizi İran xalqı tərəfindən seçilən və öz vəzifəsini yerinə yetirmək səlahiyyətinə malik olan, yəni, Prezident kimi siyasətçilərə əsasən qururuq. Hazırda müşavir kimi adlandırılan bəzi keçmiş rəsmilər tərəfindən müəyyən fikirlər səsləndirilmişdir. Nə məsləhətlər verirlər, bilmirəm. Bu mövqe bizim üçün heç cür əhəmiyyətli deyil. Bizim üçün bunun əhəmiyyəti sıfırdır, çünki dövlətlərarası münasibətlərimiz hökumətlər, prezidentlər, xarici işlər nazirləri arasında qurulur”.
Deputatın sözlərinə görə, buna görə də dırnaqarası müşavirlərin bu yalançı rəvayətlərinə qətiyyən məhəl qoyulmur:
“Azərbaycan dövlətinin başçısı İranın antiazərbaycan dairələrinə açıq şəkildə bildirdi ki, onların Zəngəzur dəhlizinə sərt hücumları hava silkələməkdən başqa bir şey deyil. Çünki Azərbaycan yalnız İranın xarici siyasətini formalaşdırmaq səlahiyyəti olan şəxslərin fikrini nəzərə alır. ABŞ paytaxtında keçirilən sammitdən sonra İran prezidenti Vaşinqtonda ərazi bütövlüyü, Avropa və şimala sərbəst marşrutla bağlı İranın tələblərinin nəzərə alındığını bəyan edib ki, bu da sağlam düşüncənin bariz nümunəsi və regiondakı bugünkü reallıqların ayıq-sayıq qiymətləndirilməsi deməkdir. Azərbaycan dövlətinin başçısı bu məqamı da diqqətdən kənarda qoymayıb, “prezidentin mövqeyinin tamamilə ağlabatan olduğunu və Zəngəzur dəhlizinin İran üçün heç bir təhlükə yaratmamasına əsaslandığını” vurğulayaraq, Məsud Pezeşkianla şəxsi münasibətlər amilini qeyd edib. Azərbaycan dövlətinin başçısının müsahibədə yer aldığı sanballı arqumentləri Zəngəzur dəhlizi məsələsində nöqtə qoydu və İranda Tehranla Bakının münasibətlərinə zərbə vurmaq istəyən bütün “xeyirxahlar” bunu nəzərə almalıdır”.
Leyla Turan
Demokrat.az
Bunu Demokrat.az-a açıqlamasında Milli Məclisin deputatı Kamran Bayramov bildirib.
Deputat qeyd edib ki, bu nəqliyyat layihəsinin həyata keçirilməsi perspektivi İranın ali lideri Əli Xamneyinin yaxın çevrəsindən olan radikal mühafizəkarların mənfi reaksiyasına səbəb olub:
“Lakin ABŞ prezidenti Donald Trampın iştirakı ilə Azərbaycan və Ermənistan liderlərinin Zəngəzur dəhlizi ilə bağlı kompromis əldə etdikləri Vaşinqton sammitindən sonra bu layihənin İranda həyata keçirilməsinin əleyhdarlarının ritorikası pik nöqtəyə çatıb. Belə ki, İranın ali liderinin beynəlxalq məsələlər üzrə müşaviri Vilayətinin bəyanatı nəinki sərt idi, hətta açıq təhdidlər də ehtiva edirdi. O, xüsusilə, Zəngəzurdan keçən ABŞ-ın dəstəklədiyi nəqliyyat marşrutunu “bağlamaqla” hədələyib. Layihəni Ermənistanın ərazi bütövlüyünə və regionun təhlükəsizliyinə “təhdid” adlandırıb. Ağ Ev rəhbərinin “icarə” ideyasını Panama kanalı ilə müqayisə edərək, dəhlizin “Tramplar” üçün qəbiristanlığa çevriləcəyini vəd edib. Vilayətinin bu açıqlamaları, təbii ki, rəsmi Bakıdan da yan keçməyib ki, bunu Azərbaycan dövlət başçısının “Əl-Ərəbiyyə” telekanalına müsahibəsində İranın radikal mühafizəkarlarına ünvanladığı mesajlar da təsdiqləyir: “Biz siyasətimizi İran xalqı tərəfindən seçilən və öz vəzifəsini yerinə yetirmək səlahiyyətinə malik olan, yəni, Prezident kimi siyasətçilərə əsasən qururuq. Hazırda müşavir kimi adlandırılan bəzi keçmiş rəsmilər tərəfindən müəyyən fikirlər səsləndirilmişdir. Nə məsləhətlər verirlər, bilmirəm. Bu mövqe bizim üçün heç cür əhəmiyyətli deyil. Bizim üçün bunun əhəmiyyəti sıfırdır, çünki dövlətlərarası münasibətlərimiz hökumətlər, prezidentlər, xarici işlər nazirləri arasında qurulur”.
Deputatın sözlərinə görə, buna görə də dırnaqarası müşavirlərin bu yalançı rəvayətlərinə qətiyyən məhəl qoyulmur:
“Azərbaycan dövlətinin başçısı İranın antiazərbaycan dairələrinə açıq şəkildə bildirdi ki, onların Zəngəzur dəhlizinə sərt hücumları hava silkələməkdən başqa bir şey deyil. Çünki Azərbaycan yalnız İranın xarici siyasətini formalaşdırmaq səlahiyyəti olan şəxslərin fikrini nəzərə alır. ABŞ paytaxtında keçirilən sammitdən sonra İran prezidenti Vaşinqtonda ərazi bütövlüyü, Avropa və şimala sərbəst marşrutla bağlı İranın tələblərinin nəzərə alındığını bəyan edib ki, bu da sağlam düşüncənin bariz nümunəsi və regiondakı bugünkü reallıqların ayıq-sayıq qiymətləndirilməsi deməkdir. Azərbaycan dövlətinin başçısı bu məqamı da diqqətdən kənarda qoymayıb, “prezidentin mövqeyinin tamamilə ağlabatan olduğunu və Zəngəzur dəhlizinin İran üçün heç bir təhlükə yaratmamasına əsaslandığını” vurğulayaraq, Məsud Pezeşkianla şəxsi münasibətlər amilini qeyd edib. Azərbaycan dövlətinin başçısının müsahibədə yer aldığı sanballı arqumentləri Zəngəzur dəhlizi məsələsində nöqtə qoydu və İranda Tehranla Bakının münasibətlərinə zərbə vurmaq istəyən bütün “xeyirxahlar” bunu nəzərə almalıdır”.
Leyla Turan
Demokrat.az
