“Sabah”ın futbolçusu Coy-Lens Mikels ötən gün “Neftçi” ilə matçda yaşanan qalmaqallı epizoddan danışıb.
Almaniyalı hücumçu “Qafqazinfo”ya açıqlamasında matça əlavə olunmuş dəqiqələrdə ona qarşı edilən kobudluq zamanı rəqib qapısına təyin edilməyən penalti epizoduna münasibət bildirib:
“Mən topu ötürdükdən sonra rəqib futbolçu açıq-aşkar mənə qarşı kobu oynadı. Həmin anda hakimin harada dayandığını bilmirəm, amma nə üçün VAR-a çağırılmadığını da başa düşmürə. Nə üçün VAR mövcuddur? Monitorun qarşısında oturub epizodu geriyə ötürərək 11 metrlik cərimə zərbəsini təyin etmək o qədər çətindir? Bunun adı biabırçılıqdır. Mənə maraqlıdır ki, hansı bəhanələr deyəcəklər”.
Qeyd edək ki, Azərbaycan Kubokunun yarımfinalında keçirilən “Neftçi” – “Sabah” matçı qonaqlarınb 2:1 hesablı qələbəsi ilə başa çatıb.
