Müsavat icazəsiz aksiya keçirəcək

SİYASƏT 07 noy 2019, 22:58

Müsavat Partiyasının başqanı Arif Hacılı Bakı Şəhər İcra Hakimiyyəti tərəfindən noyabrın 12-də BŞİH-in qarşısında piket keçirilməsinə icazə verilməməsinə münasibət bildirib.

 

 Arif Hacılı bu barədə "Facebook" hesabında yazıb.

 

Partiya sədri icazə verilməməsinə baxmayaraq, noyabrın 12-i saat 15:00-da aksiya keçirəcəklərini qeyd edib.

 

Qeyd edək ki, Müsavat Partiyasının noyabrın 10-da Tofiq Bəhrəmanov adına Respublika Stadionunun önündəki meydanda, "Dərnəgül” metrostansiyasının çıxışındakı meydanda və ya Yasamal rayonunda yerləşən "Məhsul” stadionunda mitinq keçirmək istəyinə cavab olaraq BŞİH Lökbatandakı Qaradağ təlim idman bazasını təklif etmişdi. Müsavat da buna görə piket keçirməyə qərar vermişdi.

 

BŞİH piketə icazə verməyib. Qeyd olunub ki, həmin ərazidə təhsil müəssisələrinin yerləşməsi və nəqliyyatın intensivliyini nəzərə alaraq orada piket keçirmək ictimai asayişim təmin edilməsinə çətinlik yaradacaq. (Qaynarinfo)

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
28 mar 2024, 17:53
Top