Türkiyədə işçiləri daşıyan xidməti avtobus xəndəyə aşıb. Hadisə nəticəsində 16 nəfər xəsarət alıb.
Demokrat.az-ın Oxu.Az-a istinadla verdiyi məlumata görə, hadisə İstanbulun Tuzla rayonunda baş verib.
Hadisə yerinə cəlb olunan təcili tibbi yardım briqadaları yaralıları dərhal xəstəxanalara çatdırıblar. İlkin məlumatlara görə, yaralananlardan üçünün vəziyyəti ağırdır.
Qəza ilə bağlı istintaq başlayıb, hadisənin başvermə şəraiti və səbəbləri araşdırılır.
