Numeroloq və astroloqların fikrincə, bəzi tarixlərdə doğulan insanlar zövq və üslub baxımından digərlərindən fərqlənə bilər. Onların keyfiyyətə, gözəlliyə və dəbdəbəyə xüsusi önəm verdiyi iddia olunur.
Demokrat.az xəbər verir ki, bu barədə "Parade" yazıb.
Bu yanaşmaya əsasən, 17 yanvar, 6 may və 6 oktyabr tarixlərində doğulanların geyimdən ev interyerinə qədər bir çox sahədə seçici olduqları bildirilir.
17 yanvarda doğulanlar
17 yanvarda dünyaya gələnlər Oğlaq bürcünün ambisiyalı xüsusiyyətləri ilə əlaqələndirilir. Numerologiyada bu tarixdəki 8 rəqəmi maddi uğur və nailiyyətlərlə bağlanır.
Belə insanların pula münasibəti də fərqli təsvir olunur. Onlar yalnız bahalı olduğu üçün hər hansı məhsula pul xərcləməkdənsə, keyfiyyətli və uzunömürlü əşyalara üstünlük verə bilərlər. Məsələn, dizayner çantası, bahalı hotel və ya illərlə istifadə ediləcək məhsul üçün əvvəlcədən pul toplamağı seçə bilərlər.
6 mayda doğulanlar
6 mayda doğulanların əsas xüsusiyyətlərindən biri kimi rahatlıq və gözəlliyə maraq göstərilir. Numerologiyada 6 rəqəmi sevgi və estetika ilə əlaqələndirilən Venera ilə bağlanır.
Bu insanların zövqü geyim seçimindən evin dekorasiyasına qədər özünü göstərə bilər. Onlar çoxlu əşya almaqdansa, özlərinə tam uyğun gələn keyfiyyətli məhsulu seçməyə üstünlük verirlər. Bu yanaşmada kəmiyyət deyil, keyfiyyət əsas yer tutur.
Onların həmçinin məhsulun hazırlanma keyfiyyətinə və görünüşünə daha həssas yanaşdıqları iddia edilir. Pul xərclədikdə isə aldıqları əşyanın buna dəyər olduğuna əmin olmaq istəyirlər.
6 oktyabrda doğulanlar
6 oktyabr tarixində doğulanlar da Veneranın təsiri ilə əlaqələndirilir. Bu tarixdə doğulanların gözəllik, münasibətlər və estetikaya xüsusi maraq göstərdiyi bildirilir.
Onlar zövqlü geyimləri, gözəl interyerləri, eleqant məkanları və yaxşı dizayn edilmiş əşyaları seçə bilərlər. Hətta nisbətən ucuz məhsulu belə düzgün kombinasiya və təqdimatla daha bahalı göstərmək bacarığına sahib olduqları iddia edilir.
Bununla yanaşı, yüksək standartlar bəzən bu insanların sərfəli alış-veriş etməsini çətinləşdirə bilər. Onlar yaxşı fürsətlə həqiqətən ehtiyac duyduqları məhsul arasındakı fərqi müəyyən etməyə çalışırlar.
Jalə
