Bu il Türkiyə-Azərbaycan Universiteti fəaliyyətə başlayacaq. Yüksək bal toplayan abituriyentlər arasında bu universitetdə oxumağı seçənlər oldu. Türkiyə-Azərbaycan Universitetinin tələbələri məzun olduqda iki diplomları olacaq. Maraqlıdır, ikili diploma sahib olmağın hansı üstünlükləri var?
Təhsil eksperti Elmin Nuri Demokrat.az-a açıqlamasında deyib ki, ikili diplom proqramı dünya ali təhsil sistemində uğurlu layihələrdən biridir:
“İxtisas seçimi zamanı gənclərlə konsultasiya edərkən Türkiyə-Azərbaycan Universiteti ilə bağlı bir çox suallar eşitdik. Özümüz də bacardığımız qədər bu universitetin özəlliyini, onun gələcək perspektivini, tədqiqatçılıq xüsusiyyətini, ölkənin ali təhsil sistemində tutacağı yer barədə danışdıq. Türkiyə-Azərbaycan Universitetinə maraq göstərən xeyli sayda gənc var, universitet gələcək təhsil keyfiyyəti ilə onları özünə cəlb edir. Universitetin Türkiyənin 3 nüfuzlu universitetlə tərəfdaş olması və ixtisaslardan asılı olaraq həmin universitetlərin diplomlarına da sahib olmaq imkanı cəlbediciliyi artırır. Sənaye ixtisaslarını seçən şəxslər həm də Ege Universitetinin, tibb ixtisaslarını seçənlər Hacettepe Universitetinin, IT istiqamətli ixtisaslardan məzun olanlarsa İstanbul Texniki Universiteti ilə Türkiyə-Azərbaycan Universitetinin ikili diplomuna sahib olacaqlar”.
E.Nurinin sözlərinə görə, adıçəkilən hər üç universitet Türkiyə və regionun nüfuzlu ali təhsil müəssisələridir, həmçinin dünya reytinqində xüsusi çəkiyə malikdirlər:
“Adından da göründüyü kimi tərəfdaş universitetlər bir tələbəyə iki diplom təqdim edir. Yəni Türkiyə-Azərbayvan Universitetinə daxil olan şəxs iki universitetin məzunu hesab olunacaq. İkili diplom proqramları daha əvvəl də Azərbaycanda tətbiq olunmuşdu, UFAZ Univetsiteti buna nümunədir, İtaliya-Azərbaycan Universitetinin açılması da gözlənilir. Bundan başqa universitetlərimizin daxilində xüsusi proqramlar var. Pedaqoji Universitetlə Corc Vaşinqton Universitetinin təhsil menecmentliyi ilə bağlı ikili diplom proqramı var. Bakı Ali Neft Məktəbi, Bakı Dövlət Universiteti, UNEC, ADA da zaman-zaman Türkiyə, Avropa və ABŞ-nin nüfuzlu universitetləri ilə ikili diplom proqramlarını həyata keçirirlər.
İkili diploma sahib məzunların işlə təminatı, gələcəkdə kadr kimi formalaşması daha rahat olacaq. Lakin bunun çətin tərəfləri də var. Tədris proqramı mürəkkəbdir, hər iki universitetin özünün tələbləri, tədrisə özünəməxsus yanaşması var. Universitet tələbədən paralel olaraq tədqiqat bacarıqları da tələb edəcək, sadəcə nəzəriyyə ilə kifayətlənməyəcək. İkili diplom proqramı əsasında ali təhsil almaq nə qədər çətin olsa da məzunların gələcək həyatına müsbət təsir edəcək”.
Törə Zeynallı
Demokrat.az
Təhsil eksperti Elmin Nuri Demokrat.az-a açıqlamasında deyib ki, ikili diplom proqramı dünya ali təhsil sistemində uğurlu layihələrdən biridir:
“İxtisas seçimi zamanı gənclərlə konsultasiya edərkən Türkiyə-Azərbaycan Universiteti ilə bağlı bir çox suallar eşitdik. Özümüz də bacardığımız qədər bu universitetin özəlliyini, onun gələcək perspektivini, tədqiqatçılıq xüsusiyyətini, ölkənin ali təhsil sistemində tutacağı yer barədə danışdıq. Türkiyə-Azərbaycan Universitetinə maraq göstərən xeyli sayda gənc var, universitet gələcək təhsil keyfiyyəti ilə onları özünə cəlb edir. Universitetin Türkiyənin 3 nüfuzlu universitetlə tərəfdaş olması və ixtisaslardan asılı olaraq həmin universitetlərin diplomlarına da sahib olmaq imkanı cəlbediciliyi artırır. Sənaye ixtisaslarını seçən şəxslər həm də Ege Universitetinin, tibb ixtisaslarını seçənlər Hacettepe Universitetinin, IT istiqamətli ixtisaslardan məzun olanlarsa İstanbul Texniki Universiteti ilə Türkiyə-Azərbaycan Universitetinin ikili diplomuna sahib olacaqlar”.
E.Nurinin sözlərinə görə, adıçəkilən hər üç universitet Türkiyə və regionun nüfuzlu ali təhsil müəssisələridir, həmçinin dünya reytinqində xüsusi çəkiyə malikdirlər:
“Adından da göründüyü kimi tərəfdaş universitetlər bir tələbəyə iki diplom təqdim edir. Yəni Türkiyə-Azərbayvan Universitetinə daxil olan şəxs iki universitetin məzunu hesab olunacaq. İkili diplom proqramları daha əvvəl də Azərbaycanda tətbiq olunmuşdu, UFAZ Univetsiteti buna nümunədir, İtaliya-Azərbaycan Universitetinin açılması da gözlənilir. Bundan başqa universitetlərimizin daxilində xüsusi proqramlar var. Pedaqoji Universitetlə Corc Vaşinqton Universitetinin təhsil menecmentliyi ilə bağlı ikili diplom proqramı var. Bakı Ali Neft Məktəbi, Bakı Dövlət Universiteti, UNEC, ADA da zaman-zaman Türkiyə, Avropa və ABŞ-nin nüfuzlu universitetləri ilə ikili diplom proqramlarını həyata keçirirlər.
İkili diploma sahib məzunların işlə təminatı, gələcəkdə kadr kimi formalaşması daha rahat olacaq. Lakin bunun çətin tərəfləri də var. Tədris proqramı mürəkkəbdir, hər iki universitetin özünün tələbləri, tədrisə özünəməxsus yanaşması var. Universitet tələbədən paralel olaraq tədqiqat bacarıqları da tələb edəcək, sadəcə nəzəriyyə ilə kifayətlənməyəcək. İkili diplom proqramı əsasında ali təhsil almaq nə qədər çətin olsa da məzunların gələcək həyatına müsbət təsir edəcək”.
Törə Zeynallı
Demokrat.az
