Xərçəngə qalib gələn pəhriz kəşf edildi

MARAQLI 17 mar 2024, 09:45
Avstraliyanın Deakin Universitetinin alimləri müəyyən ediblər ki, bitki mənşəli qidalar, süd məhsulları, balıq və qoz-fındıq əsasında pəhriz təkcə xərçəngin inkişaf riskini azaltmır, həm də xərçəng xəstəliklərində orqanizmdəki iltihabı azaldır. Tədqiqatın nəticələri “European Journal of Clinical Nutrition” (EJCN) jurnalında dərc edilib.

Aralıq dənizi pəhrizinin hansı komponentlərinin sağlamlığa fayda verə biləcəyini anlamaq üçün elm adamları pəhrizin xərçəngin inkişafı və irəliləməsi riskinə təsiri ilə bağlı mövcud 15 araşdırmanı təhlil ediblər.

Tədqiqatçılar qeyd ediblər ki, bu tip pəhrizə riayət edən insanların prostat və döş xərçəngindən ölüm riski müvafiq olaraq 22 və 13% azalır. Alimlər bu müsbət təsirin Aralıq dənizi pəhrizindəki qidaların əksəriyyətinin antioksidant olması ilə izah ediblər. Təbii olaraq meydana gələn antioksidantlar sərbəst radikalları (orqanizmdə toplanan oksigenin xüsusi formalarını) zərərsizləşdirir, bununla da hüceyrə zədələnməsinin qarşısını alır.

Aralıq dənizi pəhrizi xərçəng xəstələrində xroniki yorğunluğun qarşısını da ala bilər.

DİGƏR XƏBƏRLƏR

XƏBƏR LENTİ
21 apr 2024, 18:15
Top