AQTİ-nin əməkdaşı 28 yaşında vəfat edib

HADİSƏ 18 avq 2023, 13:50
Azərbaycan Qida Təhlükəsizliyi İnstitutunun (AQTİ) Milli Referens Laboratoriyasının əməkdaşı Nuranə Hamlet qızı Mollayeva uzun sürən xəstəlikdən sonra vəfat edib.

Bu barədə Qida Təhlükəsizliyi Agentliyi məlumat yayıb.

N.Mollayeva 1995-ci il martın 3-də anadan olub. 

O, Bakı Dövlət Universitetini bitirərək bioloq ixtisasına yiyələnib. 

Türkiyə Respublikasının Anadolu Universitetində biotexnologiya ixtisası üzrə magistr təhsili alıb. 

2019-cu ildən AQTİ-də “Analitik Ekspertiza Mərkəzi” departamentinin Milli Referens Laboratoriyasının Bioloji müayinələr bölməsində böyük mikrobioloq vəzifəsində çalışmağa başlayıb.

AQTİ-dən bildirilib ki, N.Mollayeva vəzifə təlimatlarında nəzərdə tutulan tapşırıqları vaxtında və peşəkarlıqla yerinə yetirib, nümunəvi davranışları ilə seçilib, kollektivin rəğbətini qazanıb.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top