Türkiyə-Azərbaycan Dərnəkləri Federasiyasının sədri Bilal Dündar Ümummilli lideri Heydər Əliyevin vəfatının 15-ci ildönümü ilə bağlı bəyanat yayıb.
Demokrat.Az-a daxil olan bəyanatda Bilal Dündar Ulu öndər Heydər Əliyevin türk dünyasının dahi şəxsiyyətlərindən biri olduğunu vurğulayır.
Bilal Dündar qeyd edir ki, mərhum Heydər Əliyev müstəqil Azərbaycan dövlətinin qurucusudur:
"Türkiyə-Azərbaycan qardaşlığını möhkəm təməllər üzərində quran və inkişaf etdirən bu dahi şəxsiyyətin müdrik siyasəti nəticəsində üç nəhəng layihə reallığa çevrilib. Heydər Əliyevin əsərləri olan Bakı-Tbilisi-Ceyhan neft və Bakı-Tbilisi-Ərzurum qaz kəmərləri artıq fəaliyyət göstərir. Artıq Bakı-Tbilisi-Qars dəmir yolu layihəsi də reallaşıb. Ulu öndərin vəfatının 15-ci ildönümü ilə bağlı qardaş Azərbaycan xalqına və dövlət başçısına başsağlığı verərərək rəhmətlə anırıq. Məkanı cənnət olsun!".
Demokrat.Az
