"Neftçi" UEFA Avropa Liqasının II təsnifat mərhələsində "Qalatasaray"a uduzaraq turnirlə vidalaşıb.
Demokrat.az-ın xəbərinə görə, Bakı Olimpiya Stadionunda baş tutan və bir mərhələdən ibarət oyun Azərbaycan təmsilçisinin 1:3 hesabı ilə məğlubiyyəti ilə yekunlaşıb.
İlk hissədə Embaye Dian "Cim Bom"u hesabda önə çıxarıb. Digər qollar növbəti hissədə vurulub. 46-cı dəqiqədə Mamadu Embodj hesaba tarazlıq gətirib. Lakin cəmi bir dəqiqə sonra Luyindama qonaqların ikinci topunun müəllifi olub. Dublu ilə yadda qalan seneqallı hücumçu Dian qarşılaşmada son nöqtəni qoyub (1:3).
Beləliklə, "Neftçi"nin "Qalatasaray"a 1:3 məğlubiyyətdən sonra "ağ-qaralar" UEFA Avropa Liqasında mübarizəsini dayandırıb.
