UEFA Çempionlar Liqasında 2020/2021 mövsümünün tam təqvimini təsdiqləyib.
Demokrat.az-ın məlumatına görə, "Qarabağ" mübarizəyə avqustun 18/19-da I təsnifat mərhələsindən başlayacaq. Bunadək 8 - 11 avqustda ilkin mərhələnin oyunları keçiriləcək. II təsnifat mərhələsi 25/26 avqustda, III təsnifat mərhələsi 15/16 sentyabrda bir oyunluq sistemlə gerçəkləşəcək. Sentyabrın 22-də pley-off mərhələsinin ilk, sentyabrın 30-da cavab görüşləri təşkil olunacaq.
Qrup mərhələsində 6 tur müvafiq olaraq, 20/21 sentyabr, 27/28 sentyabr, 3/4 noyabr, 24/25 noyabr, 1/2 dekabr və 8/9 dekabrda nəzərdə tutulub.
2021-ci ildə isə bu oyunlar olacaq:
1/8 final
İlk oyunlar - 16/17 fevral və 23/24 fevral, cavab görüşləri - 9/10 mart və 16/17 mart
1/4 final
İlk oyunlar - 6/7 aprel, cavab görüşləri - 13/14 aprel
Yarımfinal
İlk oyunlar - 27/28 aprel, cavab görüşləri - 4/5 may
FİNAL
29 may
Qeyd edək ki, final görüşü Türkiyənin İstanbul şəhərindəki "Atatürk" Olimpiya stadionunda keçiriləcək.
