Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonunun ərazisində iyulun 5-nə qədər 2 həftəlik sərt karantin rejimi tədbiq edilir.
Bu müddət ərzində icazə kağızı olan şəxslərin belə Bakıya giriş-çıxışına məhdudiyyətlər qoyulub.
Bəs, ayın 5-dən sonra bu məhdudiyyətlər aradan qaldırılacaqmı?
Məsələ ilə bağlı Redaktor.az-a açıqlama verən Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev bildirib ki, hələlik bu barədə məlumat yoxdur:
“Hazırda əməkdaşlarımız postlarda gücləndirilmiş iş rejimində çalışır. Mövcud qərara uyğun olaraq, Bakıya giriş-çıxışda məhdudiyyətlər var. Ayın 5-dən sonra hansı qərar veriləcəksə, biz də ona uyuğun addımlar atacağıq”.
