Bakıda kişini bıçaqlamaqda təqsirli bilinən Aynurə Qafarovanın cinayət işi üzrə məhkəmə prosesi başlayıb.
Demokrat.az-ın əldə etdiyi məlumata görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə baş tutan iclasda təqsirləndirilən şəxsin anket məlumatları dəqiqləşdirilib.
Məhkəmə baxışı iyunun 9-na təyin olunub.
İttihama görə, Xətai rayonunda bıçaqlanma hadisəsi baş verib. Nəsrəddin Tusi küçəsində 1993-cü il təvəllüdlü Kənan Binnətov orta yaşlı Aynurə Qafarova tərəfindən bıçaqlanıb.
Yaralı ağır vəziyyətdə xəstəxanaya çatdırılaraq cərrahi əməliyyat edilib. Ona qarın boşluğunun kəsilmiş-deşilmiş yarası diaqnozu qoyulub.
Xətai Rayon Polis İdarəsinin 35-ci Polis Bölməsinin əməkdaşları hadisəni törədən Aynurə Qafarova həbs edilib.
İlkin məlumata görə, Kənan Binnətov hadisəni törədən şəxsin qızı ilə könül əyləncəsi yaşamaq üçün münasibət qurmaq istəyib. Amma sonradan qadın aldadıldığını başa düşüb və Kənan Binnətov ilə mübahisə edib.
Mübahisə sonda qanlı cinayətin baş verməsi ilə nəticələnib.
İstintaq orqanı tərəfindən Aynurə Qafarovanın barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Fariz Məlikli
Demokrat.az
