Dövlət Vergi Xidmətinin “Sadələşdirilmiş verginin bəyannaməsi”nin öncədən doldurulması sistemini istifadəyə verməsi Azərbaycanda kiçik sahibkarlığın fəaliyyət mühitini asanlaşdıran əhəmiyyətli islahatlardan biridir.
Bu yeniliyin əsas mahiyyəti ondadır ki, vergi ödəyicisinin bəyannamə təqdim etmə prosesindəki texniki və inzibati yük minimuma endirilir. Artıq sahibkar məlumatları sıfırdan daxil etmir, sistem Dövlət Vergi Xidmətinin bazasındakı məlumatlar əsasında bəyannaməni avtomatik formalaşdırır. Bu isə həm vaxt itkisini aradan qaldırır, həm də səhvlərin ehtimalını azaldır. Bununla da sahibkarlar öz əsas fəaliyyətlərinə – biznesin inkişafına fokuslana bilirlər, hesabatlılıq prosesi isə daha şəffaf və səmərəli formaya düşür. Bu islahat eyni zamanda vergi inzibatçılığı sisteminin rəqəmsallaşdırılması istiqamətində atılan növbəti addımdır və Azərbaycanın “Business Ready” reytinqlərində mövqeyini gücləndirəcək. Ən əsası isə odur ki, bu yanaşma dövlətin kiçik sahibkarlığı dəstəkləmək, inzibati yükü azaltmaq və vergi sistemini sahibkar dostu modelə çevirmək istiqamətində davamlı iradəsini bir daha nümayiş etdirir.
Bu yenilik təkcə texniki dəyişiklik deyil, sahibkar düşüncəsində və dövlət-biznes münasibətində daha bir mərhələnin başlanğıcıdır. İllərdir kiçik sahibkarların ən çox vaxt itirdiyi və çətinliklə üzləşdiyi sahə məhz vergi bəyannamələrinin hazırlanması idi. İndi isə bu proses avtomatikləşir, daha rahat və şəffaf olur.
Artıq sahibkarın əsas işi rəqəmlərlə deyil, inkişafla, ideyalarla və müştərilərlə olacaq. Vergi hesabatı vermək stress deyil, sadəcə bir kliklə tamamlanan addım olacaq. Bu, həm sahibkarın vaxtına dəyər verir, həm də dövlətin biznes mühitini sadələşdirməyə olan real istəyini göstərir.
Hər belə addım kiçik görünsə də, Azərbaycanda daha güclü, rəqəmsal və sahibkar dostu iqtisadiyyatın formalaşmasına xidmət edir. Çünki biznesin inkişafı kağız üzərində deyil, rahat və etibarlı sistemlər üzərində qurulur.
Çinarə Ağayeva,
Biznes məsləhətçi
Bu yeniliyin əsas mahiyyəti ondadır ki, vergi ödəyicisinin bəyannamə təqdim etmə prosesindəki texniki və inzibati yük minimuma endirilir. Artıq sahibkar məlumatları sıfırdan daxil etmir, sistem Dövlət Vergi Xidmətinin bazasındakı məlumatlar əsasında bəyannaməni avtomatik formalaşdırır. Bu isə həm vaxt itkisini aradan qaldırır, həm də səhvlərin ehtimalını azaldır. Bununla da sahibkarlar öz əsas fəaliyyətlərinə – biznesin inkişafına fokuslana bilirlər, hesabatlılıq prosesi isə daha şəffaf və səmərəli formaya düşür. Bu islahat eyni zamanda vergi inzibatçılığı sisteminin rəqəmsallaşdırılması istiqamətində atılan növbəti addımdır və Azərbaycanın “Business Ready” reytinqlərində mövqeyini gücləndirəcək. Ən əsası isə odur ki, bu yanaşma dövlətin kiçik sahibkarlığı dəstəkləmək, inzibati yükü azaltmaq və vergi sistemini sahibkar dostu modelə çevirmək istiqamətində davamlı iradəsini bir daha nümayiş etdirir.
Bu yenilik təkcə texniki dəyişiklik deyil, sahibkar düşüncəsində və dövlət-biznes münasibətində daha bir mərhələnin başlanğıcıdır. İllərdir kiçik sahibkarların ən çox vaxt itirdiyi və çətinliklə üzləşdiyi sahə məhz vergi bəyannamələrinin hazırlanması idi. İndi isə bu proses avtomatikləşir, daha rahat və şəffaf olur.
Artıq sahibkarın əsas işi rəqəmlərlə deyil, inkişafla, ideyalarla və müştərilərlə olacaq. Vergi hesabatı vermək stress deyil, sadəcə bir kliklə tamamlanan addım olacaq. Bu, həm sahibkarın vaxtına dəyər verir, həm də dövlətin biznes mühitini sadələşdirməyə olan real istəyini göstərir.
Hər belə addım kiçik görünsə də, Azərbaycanda daha güclü, rəqəmsal və sahibkar dostu iqtisadiyyatın formalaşmasına xidmət edir. Çünki biznesin inkişafı kağız üzərində deyil, rahat və etibarlı sistemlər üzərində qurulur.
Çinarə Ağayeva,
Biznes məsləhətçi
