YapiKredi Müraciət Forması
Mazda CX-5
Maliyyə

ABB DAVR-a lisenziya verildi

ABB DAVR-a lisenziya verildi

Özbəkistan Respublikasının Mərkəzi Bankı 18 noyabr 2026-cı il tarixində Davr Bankın əsas səhmdarı olan ABB-nin bu ölkədə ABB DAVR brendi ilə fəaliyyətinə lisenziya verib.

Rebrendinq prosesi Davr Bankın ABB Maliyyə Qrupuna inteqrasiyası çərçivəsində həyata keçirilir. Bankın filiallarının, veb-saytının və digər xidmət kanallarının korporativ görkəmi mərhələli şəkildə yenilənəcək.

ABB DAVR-ın Müşahidə Şurasının yeni tərkibdə ilk iclası da keçirilib. ABB-nin İdarə Heyəti sədrinin müavini, Bankın Baş strategiya inzibatçısı Taleh Tahirli Müşahidə Şurasının sədri seçilib.

Xatırladaq ki, Səhmdarların Ümumi Yığıncağının 9 oktyabr 2026-cı il tarixli iclasında verilmiş qərara əsasən, Müşahidə Şurasına Taleh Tahirli, Aqşin Əmirov və üç müstəqil üzv kimi Şəfəq Həsənova, Farhad Roziyev, Said Abdunabiev daxildir.

Müşahidə Şurası beş komitə yaradaraq onların tərkibini təsdiqləyib. Bunlar audit, risklərin idarə edilməsi, kadrlar və mükafatlandırma, strateji planlaşdırma və informasiya texnologiyaları üzrə komitələrdir.

Müşahidə Şurası haqqında məlumatla bankın veb-saytındakı "Bankın rəhbərliyi" bölməsində tanış olmaq mümkündür.

ABB DAVR-ın Müşahidə Şurasının sədri Taleh Tahirli bildirib: "Bizim əsas prioritetimiz Özbəkistanda biznesin, ilk növbədə kiçik və orta sahibkarlığın inkişafına dəstək verməkdir. ABB DAVR Bankın yerli bazarı və müştərilərin ehtiyaclarını yaxşı tanıyan güclü komandası var. Biz yerli mütəxəssislərin və rəhbər kadrların inkişafını davam etdirəcək, kadr ehtiyatı formalaşdıracaq, komandaların fəaliyyətinin səmərəliliyini artıracağıq.

ABB Maliyyə Qrupunun imkanları bizə biznesin maliyyələşməyə çıxışını mərhələli şəkildə genişləndirməyə, hesablaşma və rəqəmsal xidmətləri inkişaf etdirməyə, xidmət keyfiyyətini yüksəltməyə kömək edəcək".

ABB DAVR Bank müştərilərə adi iş rejimində xidmət göstərməyə davam edir. Hazırda ABB DAVR-ın 2 milyondan çox müştərisi, 1,800-dən çox əməkdaşı, paytaxt və regionlarda 43 filial və xidmət mərkəzi var, aktivlərinin həcmi 2 milyard manatdan çoxdur. Bank xüsusilə kiçik və orta biznesin maliyyələşdirilməsində fəal mövqeyə malikdir.