Bəzi insanlar var ki, onların yanında insan özünü daha rahat və güvənli hiss edir. Numerologiyaya görə, müəyyən tarixlərdə doğulan şəxslər ətraflarına müsbət enerji yaymaq, başqalarına dəstək olmaq və çətin anlarda yol göstərmək xüsusiyyətləri ilə seçilirlər.
Demokrat.az xəbər verir ki, bu barədə UNIAN nəşri "Parade"yə istinadən yazıb.
Məqalədə ayından asılı olmayaraq ayın 6, 9, 12 və 17-də doğulan insanların xüsusi mənəvi xüsusiyyətlərə malik olduğu iddia edilir.
Ayın 6-da doğulanlar – şəfqətli və qayğıkeş insanlar
Numerologiyada 6 rəqəmi sevgi, harmoniya və qayğı ilə əlaqələndirilir. Bu tarixdə doğulanların ətrafındakı insanlara rahatlıq bəxş etdiyi, çətin anlarda dəstək göstərdiyi bildirilir.
Onların xüsusiyyəti böyük sözlərdən daha çox, kiçik diqqət və qayğı ilə özünü göstərir. Vaxtında edilən bir zəng, səmimi söhbət və ya çətin gündə göstərilən kömək bu insanların başqalarının həyatında xüsusi yer tutmasına səbəb olur.
Ayın 9-da doğulanlar – güclü müdafiəçilər
Numeroloji yozumlara əsasən, 9 rəqəmi mərhəmət, cəsarət və fədakarlıqla əlaqələndirilir. Bu tarixdə doğulanların yaxınlarını qorumağa meyilli olduğu, haqsızlıq qarşısında susmadığı iddia edilir.
Onlar sevdikləri insanların təhlükəsizliyi üçün mübarizə aparır, lazım gəldikdə sərhədlər qoyur və çətin vəziyyətlərdə dostlarını tək buraxmırlar.
Ayın 12-də doğulanlar – müdrik məsləhətçilər
12 rəqəmi numerologiyada müdriklik, inam və səxavətlə əlaqələndirilir. Bu gündə doğulanların ətrafındakı insanlar tərəfindən məsləhət almaq üçün müraciət edilən şəxslər kimi qəbul olunduğu bildirilir.
Onlar sərt göstərişlər verməkdənsə, səmimi söhbətləri və həyat təcrübələri ilə başqalarına yol göstərməyə üstünlük verirlər. Bəzən söylədikləri sadə fikirlər belə qarşı tərəfin çətinliklərə fərqli baxmasına kömək edir.
Ayın 17-də doğulanlar – ümid və motivasiya mənbəyi
Numerologiyada 17 rəqəmi səbir, məqsədyönlülük və həyat təcrübəsi ilə əlaqələndirilir. Bu tarixdə doğulanların çətinliklər qarşısında asanlıqla təslim olmadığı və başqalarına da mübarizə aparmaq üçün ruh yüksəkliyi verdiyi iddia olunur.
Onların əsas xüsusiyyətlərindən biri insanlara çətin dövrlərin müvəqqəti olduğunu xatırlatmaqdır. Həyatda qarşılaşdıqları sınaqların onları daha dözümlü etdiyi və başqalarına ümid aşılamağa kömək etdiyi vurğulanır.
