Beş bürcün nümayəndələri son vaxtlar həyatlarında çətinliklər və daxili yorğunluqla üzləşirlər. Astroloji proqnoza görə, Veneranın Əqrəb bürcündə retrograd hərəkəti münasibətlərə, şəxsi həyata və karyera planlarına yenidən nəzər salmağa vadar edir. Lakin bu mərhələnin yaxın zamanda yeni imkanlara yol açacağı ehtimal edilir.
Demokrat.az xəbər verir ki, bu barədə "YourTango" nəşri yazıb.
Qız bürcü
Qızlar kiçik uğurlarını belə qiymətləndirməyə və onları irəliləmək üçün stimul kimi görməyə çalışırlar. Ancaq zahiri təmkinin arxasında ciddi yorğunluq gizlənir. Dəyişikliklərə aparan yolun gözlədiklərindən daha çətin olduğunu hiss etsələr də, məqsədlərindən əl çəkmirlər. Astroloji şərhə görə, indiyədək qət etdikləri yolu kiçiltməməli, əldə etdikləri nəticələri dəyərləndirməlidirlər.
Qoç bürcü
Enerjili olmaları ilə seçilən Qoçlar da hazırda istirahətə ehtiyac duyurlar. Onlar həm inkişaf edə biləcəkləri, həm də bütün güclərini tükətməyəcəkləri həyat tərzini və münasibətləri axtarırlar. İstəklərinə uyğun şərait tapmaq asan olmasa da, daha azına razılaşmaq niyyətində deyillər. Qarşıda özlərini daha rahat hiss edəcəkləri yeni imkanların yaranacağı bildirilir.
Tərəzi bürcü
Son bir ildə çoxsaylı sınaqlardan keçən Tərəzilər dəyişmək və özlərinin daha yaxşı versiyasına çevrilmək üçün səy göstəriblər. Müəyyən irəliləyişə nail olsalar da, yorğunluq getdikcə artır. Astroloji proqnozda Veneranın retrograd hərəkətinin onları başqalarının istəklərinə uyğunlaşmaqdan və öz prinsiplərindən güzəştə getməkdən çəkindirəcəyi vurğulanır. Tərəzilərə başqalarının rəğbətini qazanmaq üçün özlərini fərqli göstərməmək tövsiyə olunur.
Şir bürcü
Şirlər məqsədlərinə çatmağa yaxınlaşdıqları bir vaxtda gözlənilmədən tərəddüd edə bilərlər. Onlar əldə etdikləri nəticələrin həqiqətən istədikləri olub-olmadığını düşünməyə başlayacaqlar. Lakin astroloji şərhə görə, bu, geriyə qayıtmaq üçün deyil, yeni istiqamət seçmək üçün fürsət ola bilər. Bunun üçün köhnə düşüncələrdən və özləri haqqında formalaşdırdıqları bəzi təsəvvürlərdən uzaqlaşmaları lazım gələcək.
Əkizlər bürcü
Əkizlər böyük hədəflər uğrunda ciddi səy göstərirlər. Qarşılarına qoyduqları məqsədin düşündüklərindən daha çox enerji tələb etdiyini hiss etsələr də, geri çəkilmək istəmirlər. Veneranın Əqrəbdə retrograd hərəkəti onların daha böyük nəticələr əldə etmək istəyini ön plana çıxarır. Bununla belə, özlərini həddindən artıq yormamaq və istirahətə də vaxt ayırmaq vacibdir.
Jalə
