Bəzi insanlar heç bir xüsusi səy göstərmədən ətrafdakıların diqqətini cəlb etməyi və özlərinə rəğbət qazandırmağı bacarırlar. Astrologiya və numerologiya ilə məşğul olanların fikrincə, bu xüsusiyyət doğum tarixi ilə də əlaqəli ola bilər. Mütəxəssislər ən güclü xarizmaya malik insanların doğulduğu üç tarixi açıqlayıblar.
Demokrat.az xəbər verir ki, bu barədə "Parade" portalı yazıb.
Söhbət ayın 6-sı, 15-i və 24-də dünyaya gələnlərdən gedir. İddialara görə, onların xarakterinə sevgi, gözəllik və münasibətlərdə harmoniyanın simvolu sayılan Venera planetinin təsiri var. Doğum ayının isə bu baxımdan əhəmiyyəti olmadığı bildirilir.
Numerologiyada da bu tarixlərin ortaq cəhəti xüsusi məna daşıyır. Belə ki, 15 və 24 rəqəmlərinin cəmi 6-ya bərabərdir. Numeroloji inanclara əsasən, altılıq ailə istiliyi, qayğı, sevgi və rahatlıqla əlaqələndirilir.
Astroloqların fikrincə, həmin tarixlərdə doğulan insanlar ünsiyyətcil, mehriban və səmimi olmaları ilə seçilirlər. Onlar yeni tanışlıqlar qurmaqda çətinlik çəkmir, qarşılarındakı insanın özünü rahat hiss etməsinə şərait yaradırlar. Hətta adi söhbətləri belə yadda qalan edə bildikləri iddia olunur.
Bu insanların diqqətçəkən xüsusiyyətlərindən biri də xarici görünüşdən daha çox daxili rahatlıq və özünəinamla seçilmələridir. Onlar dəb və ya diqqət mərkəzində olmaq uğrunda yarışmasalar da, şəxsi üslubları, yaradıcılıqları və səmimiyyətləri ilə fərqlənə bilirlər.
Numeroloji yanaşmaya görə, altılıq həm də sədaqət, fədakarlıq və insanlara qayğı göstərmək anlamına gəlir. Buna görə də ayın 6-sı, 15-i və 24-də doğulanların dostlarının və yaxınlarının qayğısına qaldıqları, insanların əhvalındakı dəyişiklikləri tez hiss etdikləri və gərgin vəziyyətlərdə münasibətləri yumşaltmağa çalışdıqları bildirilir. Onlar ətraflarında müxtəlif insanları bir araya gətirməyi bacaran şəxslər kimi xarakterizə olunurlar.
Məqalədə vurğulanır ki, bu insanların əsas üstünlüyü cazibədarlıqla yanaşı, başqalarına səmimi diqqət göstərmələridir. Bununla belə, astrologiya və numerologiya elmi cəhətdən təsdiqlənmiş sahələr deyil. Bu yanaşmalar qədim inanclara və simvolik şərhlərə əsaslanır, ona görə də təqdim olunan fikirlər əyləncə xarakterli məlumat kimi qiymətləndirilməlidir.
Jalə
